Yaşlı Caussé Tanrının Yaratdıqlarına Qayğını ‘Sevgi İfadəsi’ Adlandırır

Yaşlı Gérald Caussé cümə günü bildirib ki, torpağın və Tanrının övladlarının qorunması və qayğısına qalmaq “Yaratıcımıza olan məhəbbətin bir ifadəsi və Ona qarşı səmimi minnətdarlığımızın bir əksidir”.

İsa Məsihin Son Zaman Müqəddəsləri Kilsəsinin On İki Həvari Kvorumunun ən yeni üzvü, Brigham Young Universitetinin Provodakı kampusundan, ekoloji idarəçiliyi və ehtiyacı olanlara qayğı göstərmək mövzusunda keçirilən iki ayrı konfransda toplaşan yüzlərlə insana Tanrının yaratdıqlarına qayğı göstərmək barədə danışdı.

Yaşlı Caussé-nin konfransda iştirak edənlərə mesajı sadə idi.

Bordlu Həvari belə dedi: “Bu, hərəkətə dəvətdir; İsa Məsihin şagirdləri olaraq, bizə Tanrının sevgisinin alovunu qəlblərimizdə yandırmaq və onun işığını icmalarımızda parlaq saxlamaq müqəddəs vəzifəsi verilmişdir. Rəbb bizdən ətrafımızdakı geniş dünyadan xəbərdar olmağı tələb edir, bu, əlaqəli çağımızda hər zamankindən daha mümkün bir şeydir, eyni zamanda yaşadığımız və xidmət etdiyimiz yerlərdə xəbərdar və fəal olmağı davam etdirməliyik.”

O, Kilsənin ekoloji davamlılıq prioritetlərindən. bəzilərindən danışdı. Məsələn, bərpa olunan enerji sahəsində, Kilsənin 800-dən çox öz yerində quraşdırılmış Günəş elektrik stansiyası var. Bu layihələr 45 ölkədə fəaliyyət göstərir və ən azı 100 digər layihənin tikintisi üçün təsdiqi verilib. O, həmçinin qeyd etdi ki, BYU–Hawaii-də, bütün kampusu, yaxınlıqdakı Laie Məbədini və Polineziya Mədəniyyət Mərkəzini enerji ilə təmin edəcək günəş mikroqridini, tamamlayır.

Həvari əlavə etdi ki, tullantıları azaltmaq və müqəddəs onluq vəsaitlərinin qənaətlə istifadə etməklə yanaşı, bu bərpa olunan enerji layihələrinə fokuslanmaq, bir çox insanlar üçün təhsilə və sağlam yaşayışa çıxışı yaxşılaşdırır.

O dedi ki: “Məsələn, bir çox inkişaf etməkdə olan ölkələrdə Kilsənin günəş enerjisindən artan istifadəsi, ehtiyat batareyalar və süni peyk interneti ilə birləşərək, Yığəncaq evlərimizin həftə ərzində virtual siniflərə çevrilməsinə imkan yaradır. Bu il 100,000 tələbəyə çatacağı gözlənilən BYU–Pathway sürətlə böyüyür, qismən bu texnologiya sayəsində, eyni zamanda, maliyyə savadlılığı, yeni bizneslərin başlaması, düzgün sağlamlıq vərdişləri və düzgün qidalanma kimi mövzuları öyrədən özünə yetərlilik dərsləri də inkişaf edir.”

Yaşlı Caussé həmçinin Kilsənin maddi israfdan çəkinməyə verdiyi önəmi qeyd etdi. Solt Leyk Siti-dəki əsas çap mərkəzində həyata keçirilən genişmiqyaslı kağız təkrar emalı ilə yanaşı, Kilsə Deseret Industries-in bir çox ikinci əl mağazalarını idarə edir; burada ianə edilmiş əşyaların təkrar emalı və satışı işə iş tapmaqda çətinlik çəkən minlərlə insan üçün iş təlimi imkanları yaradır.

Həmçinin, ABŞ və Kanadada Kilsənin bütün elektron tullantıları zibilliyə atılmadan ya hədiyyə edilir, ya da sökülərək yenidən emal olunur. O belə demişdi: “Əslində, bir çox istifadə olunmuş kompüterlər Afrikadakı BYU–Pathway tələbələrinin evlərinə çatır və bu, təhsil almaq üçün maneələrin aradan qaldırılmasına kömək edir.” Həvari həmçinin Kilsənin suya qənaət səylərindən danışdı. Bunun bir nümunəsi olaraq, bu ilin əvvəlində elan edildi ki, Kilsə ABŞ-ın Qərb bölgəsində, “pioner koridoru” adlanan ərazidəki 3,000-dən çox Yığəncaq evində ağıllı idarəetmə sistemləri quraşdıracaq; bu ərazilərə Aydaho, Yuta, Arizona və Nevada, Vayoming və Montana'nın bəzi hissələri daxildir. Kilsə bu sistemlərin quraşdırılmasını sürətləndirir və ilin sonuna qədər təxminən 1,800 quraşdırma planlaşdırılır.

O, həmçinin Kilsənin Böyük Duz Gölünü qorumaq üçün göstərdiyi səyləri də qeyd etdi. Sentyabr ayında Kilsə, Böyük Duz Gölü Su Çələngi Təkmilləşdirmə Fonduyla yeni bir razılaşmanı elan etdi ki, bu razılaşma 10 ilə qədər hər il 7,400 akr-fut su təmin edəcək.

Yaşlı Caussé dedi: “Biz BYU-da və digər Kilsə işçiləri arasında olan və bacarıqlarını, istedadlarını, zəkalarını, yaradıcılıqlarını və digər vasitələrini belə mürəkkəb bir problemi həll etmək üçün tətbiq edən bir çox insanların yorulmaz səylərinə minnətdarıq. Biz Böyük Duz Gölünün gələcəyi ilə bağlı çoxsaylı problemlərin mövcudluğunu qəbul edir və müxtəlif icmalardan olan paydaşlarımızla birlikdə həllin bir hissəsi olmağa hazırıq.”

Suya qənaətdən əlavə, Kilsə insanlara təmiz suya çıxış imkanlarının yaradılmasına da diqqət yetirir. Bunun bir nümunəsi Kiribatidədir, burada 2022-ci ildən Kilsə və onun humanitar tərəfdaşları təxminən 6,000 sakinə dayanıqlı su sistemləri təmin edən beş günəş enerjisi ilə işləyən duzlu suyun təmizləmə zavodları inşa etmişlər və bununla da uşaqların ölüm faizini azaltmağa kömək edirlər.

Yaşlı Caussé bildirdi ki: “Bölgə rəhbərliyi ölkə üzrə 10 belə layihənin daha inşasına kömək etməyi planlaşdırır, bu həqiqətən həyat xilas edən bir işdir.”
Həftələrlə əvvəl planlaşdırılan çıxış, Yaşlı Caussé və ya onun Ümumi Hakimiyyət və Ümumi Məmur həmkarlarının bu mövzuda danışdığı ilk dəfə deyildi.

Məsələn, 2023-cü ildə Yaşlı Caussé və Birinci Prezidentlikdən Prezident D. Todd Christofferson Braziliyada keçirilən bir konfransda torpağa qayğı göstərmək barədə danışdılar. Yaşlı Christofferson dedi ki: “Yer üzündəki bütün idarəçiliklərimizdə, Tanrıya olan sevgimiz və İsa Məsihə şagirdliyimiz etibarlı bir rəhbər olacaq və mütləq biz dünyada həqiqi xeyir işləri görəcəyik.” O həmçinin bizə öyrətdi ki: “biz yer üzündəki bərəkətlərimizi başqalarının maddi və ruhani ehtiyaclarına xidmət etmək üçün istifadə etməliyik ki, onlar Tanrını tanısın, Ona xidmət etsin və nəticədə əbədi həyata sahib olsunlar.”

O ilin sonrakı aylarında, Abudabidə , İkili On İki Həvari Kvorumunun üzvü Yaşlı Patrick Kearon dedi ki, torpağa qayğı göstərmək hər kəsin öz rolunu oynamasını tələb edir. O həmçinin qeyd etdi: “Hökumətlər, dini və ictimai liderlər, media, sənaye, alimlər və ailələr birgə çalışaraq birləşmiş səylə torpağın və daha geniş insan ailəsinin canlanması kimi nəcib məqsədə nail olmaq mümkündür. Gəlin bunu müqəddəs bir vəzifə kimi qəbul edək.”

Bu ilin əvvəlində, Yardım Cəmiyyətinin Baş Prezienti Camille N. Johnson dünya üzrə gənc yetkinlərə “yer üzünə və qonşumuza qayğı göstərmək arasındakı əlaqəni tanımağı” öyrətdi. O bildirib ki, “Yer üzünə qayğı göstərərək, yerli mühiti gözəlləşdirərək və icmalarımızın daha davamlı olmasına kömək edərək, biz qonşularımızın həyatına xeyir gətirmək üçün yer üzünün müdrik mühafizəçiləri kimi fəaliyyət göstəririk.”  Cümə günü BYU-da çıxışını yekunlaşdırarkən, Yaşlı Caussé Məsihin şagirdləri “Onun yaradılışlarına hörmət göstərmək və onlara qayğı göstərmək, ailələrimizi xeyir-dua ilə bəlkəltmək, icmalarımızı gücləndirmək və ətrafımızdakılara sevgiylə dəstək olmaq üçün çağırılmışdırlar” deyə öyrətdi. O həmçinin dedi ki: “Mən şəhadət verirəm ki, Tanrı və Onun Oğlu İsa Məsih yaşayır və bizi mükəmməl şəkildə sevirlər. Onlar bu dünyanı bizi əbədi xeyir-duaya nail etmək üçün ilahi bir planın bir hissəsi kimi yaratdılar. Onların yolunu izləyərək və sadiq şəkildə xidmət edərək, həqiqi və əbədi sevinc tapacağıq.”

 “Tanrının Yaradılışına Qayğı.”

Yaşlı Caussé-nin tam çıxışını burada oxuya bilərsiniz: “ “Tanrının Yaradılışına Qayğı Göstərmək.”

Daha ətraflı məlumat üçün Kilsə Əməliyyatlarında Ətraf Mühitin Davamlılığı səhifəsini ziyarət edə bilərsiniz.